اسلام آباد (نیوز ڈیسک) میں قرآن پر ہاتھ رکھ کر کہتا ہوں کہ جو چور ڈاکو اندر کیے ہیں، ہم عمران خان سے خدا کی قسم خوش ہیں، سیاسی انتقام نہیں، رانا ثناء اور اسکے بندے منشیات کا کام کرتے ہیں، سماجی رابطے کی ویب سائٹ ٹوئٹر پر ایک ویڈیو وائرل ہے جس میں ایک شخص سے عمران خان کی حکومت کے بارے میں سوال کیا جاتا ہے تو اس کے جواب میں وہ کہتا ہے کہ عمران خان بالکل صحیح کام کر رہا ہے،
اسے عوام آئندہ کوئی ووٹ نہ بھی دے لیکن جو کام وہ کر گیا ہے بہترین کر گیا ہے، ہم خوش ہیں، خدا کی قسم ہم خوش ہیں اور قرآن پر ہاتھ رکھ کر کہتا ہوں کہ ہم خوش ہیں، آصف زرداری پکڑا گیا اس کی طبیعت خراب، فریال تالپور پکڑی گئی اس کی طبیعت خراب، شہباز شریف پکڑا گیا تو اس کی طبیعت خراب، حمزہ شہباز، مریم نواز، نواز شریف کی طبیعت بھی خراب، کیپٹن صفدر کی طبیعت خراب، ویسے یہ لوگ گوشت کھا رہے ہیں، سیب کھاتے ہیں جوس پیتے ہیں لیکن طبیعت خراب۔ اس شخص نے کہا کہ طبیعت تو ہماری خراب ہونی چاہیے جو خوار ہو کر مرے جا رہے ہیں،جب ان سے رانا ثناء اللہ کے بارے میں پوچھا گیا کہ ان کی گاڑی سے منشیات برآمد ہوئی ہے لیکن وہ کہہ رہے ہیں کہ ہم سے سیاسی انتقام لیا جا رہا ہے، اس کا جواب دیتے ہوئے کہا کہ ذاتی انتقام تو ہوتا ہے کہ جب آدمی خود شرابی ہو، بے ایمان، مرتد ہو تب سب نے کہنا ہے کہ مرتد ہے، انہوں نے کہا کہ ان لوگوں نے ہماری نوجوان نسل کو تباہ کر دیا ہے ان کے لیے کم از کم سزا موت ہونی چاہیے۔ رانا ثناء اللہ کے بارے میں اس شخص نے کہا کہ جن سے منشیات پکڑی گئی ہے ان کو سرعام فائر مارنا چاہیے۔ انہوں نے کہا کہ چور نے کبھی مانا ہے کہ میں نے چوری کی ہے، میں اگر کرپٹ ہوں تو میں کیسے مانوں گا کہ میں کرپٹ ہوں، ایک اور شخص نے بات کرتے ہوئے کہا کہ یہ سیاسی انتقام نہیں ہے یہ منشیات پکڑی گئی ہے، وہ اور اس کے بندے منشیات کا کام کرتے تھے یہ سیاسی انتقام ہرگز نہیں ہے۔
