لاہور (این این آئی) وفاقی حکومت نے سول سروس ایکٹ 1973 میں تبدیلی کرتے ہوئے بھرتیوں اور تقرریوں کے قوانین میں ترمیم کر دی،ترمیم محکمہ ریلوے میں قرعہ اندازی کے ذریعے نوکریوں کی تقسیم کار کے لیے کی گئی۔اسٹیبلیشمنٹ ڈویژن کی جانب سے ترمیم کا نوٹیفیکیشن جاری کر دیاگیا۔ نوٹیفیکیشن کے بعد محکمہ ریلوے

کو بذریعہ قرعہ اندازی بھرتیوں کا اختیار مل گیا ہے۔وزیراعظم کی ہدایت پہ ریلوے میں گریڈ 1 تا 5 تک کے ملازمین کو بذریعہ قرعہ اندازی بھرتی کیا جائے گا۔ محکمہ ریلوے میں گریڈ 1 تا 5 کی کل 8772 اسامیوں پر بھرتی ہوگی۔9 ہزار آسامیوں پر7لاکھ سے زائد امیدواروں نے درخواستیں جمع کرائی ہیں۔