پشاور(این این آئی) عوامی نیشنل پارٹی کے مرکزی صدر اسفندیار ولی خان نے کابل میں بم دھماکے کی شدید الفاظ میں مذمت کرتے ہوئے سانحے میں جاں بحق ہونے والوں کی مغفرت اور زخمیوں کی جلد صحت یابی کیلئے دعا کی ہے۔ اپنے ایک مذمتی بیان میں انہوں نے کہا کہ کابل میں ہونے والی دہشت گردی اپنی نوعیت کی بدترین کارروائی تھی اور م کی اس گھڑی میں ہم افغان عوام اور حکومت کے ساتھ ہیں، انہوں نے لواحقین کے ساتھ یکجہتی
کا اظہار کیا اور کہا کہ پاکستان اور افغانستان کو مل کر دہشت گردوں کے خلاف مشترکہ اور مربوط کاروائی کرنی چاہئے،انہوں نے کہا کہ دہشت گردی اور تشدد، ہر شکل میں قابل مذمت ہے اور اس کامقصد بظاہر افغانستان کو غیر مستحکم کرنا ہے، قومی آشتی اور امن و صلح کیلئے گفتگو ہی بہترین ذریعہ ہے،اسفندیار ولی خان نے جاں بحق افراد کے اہل خانہ کے صبر جمیل اور زخمیوں کی جلد صحت یابی کیلئے بھی دعا کی۔
