لاہور(این این آئی)بائیو میٹرک سسٹم پر منتقل نہ ہونے والے بینک اکانٹس آج (پیر) سے بند ہو جائیں گے۔ملک بھر میں بینک اکاؤنٹس کی بائیو میٹرک تصدیق کرانے کے لئے بینک اتوار کے روز بھی کھلے رہے۔حکام کے مطابق آج پیر سے بائیو میٹرک سسٹم پر منتقل نہ ہونے والے اکاؤنٹس بند ہوجائیں گے۔حکام کے مطابق لاکھوں بینک
اکاؤنٹس بائیو میٹرک سسٹم پر منتقل کر لیے گئے ہیں۔ مختلف بینکس میں 60 سے 80 فیصد اکاؤنٹس بائیو میٹرک نظام پر منتقل کیے جاچکے ہیں۔نیشنل بینک کے ترجمان ابن حسن کے مطابق نیشنل بینک میں 30 لاکھ سے زائد اکاؤنٹس بائیو میٹرک سسٹم میں آچکے ہیں اور تقریباً 80 فیصد اکاؤنٹ ہولڈرز نے بائیو میٹرک تصدیق مکمل کر لی گئی ہے۔
