اسلام آباد(نیوزڈیسک)ایف بی آر نے ٹیکس اور ڈیوٹی کی عدم ادائیگی پر پاکستان کی ٹیسٹ ٹیم کے کپتان مصباح الحق کی لینڈ کروزر کو قبضے میں لے لیا بھارتی میڈیا کے کے مطابق آفیشلز نے بتایا کہ ایف بی آر کے حکام نے مصباح کی لینڈ کروزر کو قبضے میں لے لیا کیونکہ ان کے ریکارڈ کے مطابق کپتان نے گاڑی کی کسٹم ڈیوٹی اور ٹیکس کے واجبات ادا نہیں کیے۔رپورٹ کے مطابق گزشتہ سال اکتوبر میں 39 لاکھ روپے کی رقم کے ٹیکس کی عدم ادائیگی پر مصباح کے بینک اکاو¿نٹ منجمد کر دئیے تھے۔تاہم بعد میں مصباح نے وفاقی وزیر خزانہ اسحاق ڈار سے اسلام آباد میں ملاقات کر کے معاملہ حل کرا لیا اس موقع پر ان کے ساتھ دیگر کھلاڑی بھی موجود تھے جنہیں ایف بی آر کی جانب سے مسائل کا سامنا تھا۔ذرائع نے بتایا کہ لینڈ کروزر قبضے میں لینے سے قبل ایف بی آر حکام نے مصباح کو ایک نوٹس بھی بھیجا تھا جس میں انہیں ٹیکس اور ڈیوٹی کی ادائیگی کی ہدایت کی گئی تھی۔