اسلام آباد (این این آئی)وفاقی کابینہ نے سرکاری ملازمین کی تنخواہوں میں اضافے کی منظوری دے دی۔

ذرائع کے مطابق سرکاری ملازمین کی تنخواہوں میں ممکنہ طور پر 7 فیصد اضافے کی منظوری دی گئی ہے۔اس سے قبل یہ بات سامنے آئی تھی کہ سرکاری ملازمین کی تنخواہوں میں 2 فیز میں اضافہ کیا جائے گا۔ گریڈ 1 سے 16 کے ملازمین کی تنخواہوں میں زیادہ اضافہ ہو گا۔واضح رہے کہ وفاقی کابینہ نے بجٹ 27-2026 کی منظوری دے دی ہے۔وزیرِ اعظم شہباز شریف کی زیرِ صدارت وفاقی کابینہ کا اجلاس ہوا۔ جس میں وفاقی کابینہ نے بجٹ دستاویزات اور فنانس بل مسودے کی منظوری دے دی ہے۔