لاہور(نیوز ڈیسک) حکومت کی جانب سے محمد فیاض کی مالی امداد کے اعلان کے بعد چھوٹا طیارہ بنانے والے پاکپتن کے محمد فیاض کو ساٹھ ہزار روپے کا چیک بھی دے دیا گیا، محمد فیاض نے حکومت کی جانب سے چیک ملنے پر شکریہ ادا کیا، مالی امداد کی یہ رقم بیت المال کے ایم ڈی نے محمد فیاض کو دی، امدادی چیک ملنے پر
محمد فیاض نے حکومت پنجاب اور ایم ڈی بیت المال عون عباس کا شکریہ ادا کیا۔یاد رہے کہ محمد فیاض نے 31 مارچ کو اپنے بنائے ہوئے جہاز کو اڑانے کی کوشش کی جس پر پولیس نے انہیں گرفتار کر لیا اور جہاز بھی قبضے میں لے لیا گیا تھا لیکن عدالت نے محمد فیاض کو تین ہزار روپے جرمانہ کرکے انہیں چھوڑ دیا۔
