دبئی (این این آئی) دبئی کے الخوانیج کے علاقے میں دنیا کا پہلا عظیم و شان قرآن پارک عوام کے لئے کھول دیا گیا، اس پارک میں قرآن کریم میں بیان کئے گئے درختوں اور پودوں کو لگایا گیا ہے جبکہ قرآن پاک کے کرشمے اور واقعات سے متعلق آگاہی دی گئی ہے۔

عرب ٹی وی کے مطابق دبئی کے الخوانیج کے علاقے میں قرآن پارک کے نام سے دنیا کا پہلا عظیم و شان پارک تعمیرکیا گیا ہے جس میں قرآن کریم میں بیان کئے گئے معجزات اور تمام درختوں اور پودوں سے متعلق اگاہ کیا گیا ہے۔اس پارک میں نہ صرف قرآن کریم میں بیان کئے گئے درختوں اور پودوں کو لگایا ہے بلکہ ایک ایئرکنڈیشنڈ غار بھی ہے، جس میں قرآن پاک کے کرشمے اور دیگر بیان کئے گئے واقعات سے متعلق آگاہی دی گئی ہے۔گذشتہ روز دبئی میونسپلٹی نے اپنے ٹویٹر اکاؤنٹ پر اعلان کیا تھا قرآن پارک 29 مارچ کو عوام کے لئے کھول دیا جائے گا تاکہ قرآن کریم اور سنت میں بیان کردہ پارک کی بہت ساری سہولیات کا لطف اٹھاسکیں۔خیال رہے یہ پارک اپنی نوعیت کا پہلا پارک ہے، جس میں قرآن کے تقریباً تمام معجزات کے نمونے پیش کئے گئے ہیں جبکہ 158 ایکٹر وسیع رقبے پر مشتمل یہ پارک 74لاکھ ڈالر کی لاگت سے تیار کیا گیا ہے۔قرآن میں 54 درختوں اور پودوں کا ذکر کیا گیا ہے جن میں انار، زیتون، تربوز، کیلے، گندم ، پیاز ، املی، انگور، نیاز بو ،کددو اور دیگر شامل ہیں۔  دبئی کے الخوانیج کے علاقے میں دنیا کا پہلا عظیم و شان قرآن پارک عوام کے لئے کھول دیا گیا، اس پارک میں قرآن کریم میں بیان کئے گئے درختوں اور پودوں کو لگایا گیا ہے جبکہ قرآن پاک کے کرشمے اور واقعات سے متعلق آگاہی دی گئی ہے۔