کابل(آن لائن) افغانستان میں تعینات امریکی افواج اور افغانستان کے فوجی آپس میں لڑپڑے ‘بھاری ہتھیاروں کے استعمال میں 5امریکی فوجی مارے گئے ۔غیرملکی نشریاتی ادارے کے مطابق افغان صوبے اروزگان میں افغان فوج نے امریکی فوج کیخلاف بندوق اٹھالی‘حالیہ جھڑپ کے نتیجے میں 5 امریکی فوجی جبکہ درجنوں افغان فوجی ہلاک ہوگئے ہیں ۔رپورٹ کے مطابق جمعرات کی الصبح گشت کے دوران افغان فورسز نے امریکی فوج کو طالبان سمجھ کر

فائرنگ شروع کردی۔صوبے اروزگان میں طالبان کا اثرورسوخ ہے ‘جس کے باعث افغان فوجیوں کو اسلحے سے لیس آتا گروہ طالبان کا لگا جبکہ وہ اصل میں امریکی تھے حکام نے اس واقعے کی تصدیق کردی۔اس علاقے میں طالبان فوجی ہی گاڑیوں میں حملہ کرنے آتے ہیں، افغان فورسز کی غلط فہمی کی ایک وجہ یہ بھی ظاہر کی گئی ہے۔دوسری جانب حکام نے موقف اختیار کیا ہے کہ اس جھڑپ میں فضائی کارروائیاں بھی کی گئی ہیں‘تحقیقات کے بعد حقائق سامنے آئیں گے۔