دمشق(این این آئی)شام میں داعش کیخلاف سرگرم امریکی حمایت یافتہ سیرین ڈیموکریٹک فورس (ایس ڈی ایف) نے ‘داعش’ کے خلاف آخری معرکے کا آغاز کردیا ہے۔ ایس ڈی ایف کو اس کارروائی میں امریکا اور اس کیاتحادیوں کی معاونت بھی حاصل ہے۔
میڈیارپورٹس کے مطابق سیرین ڈیموکریٹک فورس کے شعبہ اطلاعات کے انچارج مصطفیٰ بالی نے ایک بیان میں کہا کہ گذشتہ شب داعش کے خلاف ھجین میں آخری لڑائی کا آغاز کردیا گیا ہے۔ ان کا کہنا تھا کہ شام میں داعش کی باقیات کو ختم کرنے تک لڑائی جاری رہے گی۔مصطفیٰ بالی نے کہاکہ حالیہ 10 ایام انتہائی صبر آزما گذرے ہیں۔ عراق کی سرحد پر موجود قصبوں سے شہریوں کو پرامن طورپر محفوظ مقامات پر منتقل کیا گیا اور اس دوران داعش کے حملوں کا سامنا بھی ہوتا رہا۔ جنگ سے متاثرہ علاقوں سے تقریبا20 ہزار افراد نقل مکانی پرمجبور ہوئے ہیں۔ایس ڈی ایف کے آپریشن کا ہدف ھجین کا علاقہ دریائے فرات کیمشرقی کنارے پر انتظامی طورپر البوکمال گورنری کا حصہ ہے جو شام کے مشرقی صوبے دیر الزور میں آتا ہے۔ھجین البوکمال سے 35 کلو میٹر دور اور دیر الزور سے 110 کلو میٹر کیفاصلے پر وقع ہے۔ 2004ء کے اعدادو شمار کے مطابق اس کی آبادی ایک لاکھ افراد پر مشتمل ہے۔ھیجن کا رقبہ 250 مربع کلو میٹر پر ہیجس کا بیشتر حصہ صحرا پر مشتمل ہے۔
