ادیس ابابا(این این آئی)افریقی ملک ایتھوپیا میں حکومت نے گذشتہ چھ ماہ کے دوران دہشت گردی اور خیانت کے الزام میں گرفتار 13 ہزار افراد کو عام معافی دیدی گئی ۔غیرملکی خبررساں ادارے کے مطابق ایتھوپیا کی سابقہ حکومت نے2015ء کے دوران ملک میں ہونے والے پرتشدد مظاہروں ے دوران اپوزیشن رہ نماؤں، طلبا، صحافیوں، سماجی کارکنوں دیگر شہریوں سمیت 30 ہزار افراد کو حراست میں لیا تھا۔گذشتہ برس اپریل میں ایتھوپیا میں برسراقتدار آنے والے اصلاح پسند رہ نما ابی احمد نے نہ صرف

پڑوسی ملک اریٹیریا کے ساتھ جاری طویل محاذ آرائی کے خاتمے کا اعلان کیا بلکہ دہشت گردی اور غداری کے الزام میں گرفتار ہزاروں افراد کی سزائیں معاف کیں۔ایتھوپیا کے سرکاری ٹیلی ویڑن نے بتایا کہ پراسیکیوٹر جنرل کی دفتر سے جاری ایک رپورٹ میں بتایاگیا کہ مجموعی طورپر 13 ہزار 200 افراد کو عام معافی دی گئی ہے۔حکومت نے بڑی تعداد میں سیاسی رہ نماؤں، ارکان پارلیمان علیحدگی پسند فریڈم فرنٹ اومورو اور نیشنل فرنٹ اور جینبوت7 کے ارکان پارلیمان کی آئینی حیثیت بحال کردی تھی۔