لاہور(نیوز ڈیسک)پاکستانی نڑاد زمبابوین کرکٹر سکندر رضا نے قذافی سٹیڈیم میں پریکٹس کے دوسرے روز پاکستانی کھلاڑیوں سے ملاقات کی اور ان کے ساتھ گپ شپ لگائی۔ نماز مغرب سے قبل جب پاکستانی ٹیم کے کیمپ میں وقفہ ہوا تو سکندر رضا بھی اپنی ٹیم کے ساتھ پریکٹس چھوڑ کر پاکستانی کیمپ پہنچ گئے، انہوں نے کھلاڑیوں کے ساتھ سپن بولنگ کوچ مشتاق احمد کی امامت میں مغرب کی نماز پڑھی اور اس کے بعد ایک گھنٹہ پاکستانی ٹیم کے کیمپ میں ہی موجود رہے۔ واضح رہے کہ سکندر رضا بٹ کا تعلق سیالکوٹ سے ہے اور وہ اپنی فیملی کے ہمراہ چند سال قبل زمبابوے منتقل ہو گئے تھے۔