اسلام آباد (نیوز ڈیسک )پشاور الیکٹرک سپلائی کمپنی (پیسکو) نے اسسٹنٹ لائن مین، لائن مین ون اور لائن مین ٹو کے عہدوں پر تعینات اہل ملازمین کی اپ گریڈیشن کے لیے باقاعدہ کارروائی شروع کر دی ہے۔

اس حوالے سے پیسکو سرکل پشاور کی جانب سے جاری مراسلے میں بتایا گیا ہے کہ صرف وہ ملازمین اس عمل کے لیے اہل ہوں گے جنہوں نے کم از کم پانچ سال کی ملازمت مکمل کر لی ہو۔کمپنی نے تمام اہل امیدواروں کو ہدایت کی ہے کہ وہ اپنی سالانہ خفیہ رپورٹس (ACRs)، مکمل سروس ریکارڈ، میڈیکل فٹنس سرٹیفکیٹ، محکمانہ کلیئرنس، آڈٹ کلیئرنس اور ڈسپلنری کلیئرنس سمیت تمام مطلوبہ دستاویزات مقررہ وقت میں جمع کرائیں۔پیسکو کے مطابق ضروری کاغذات جمع کرانے کی آخری تاریخ 10 اگست مقرر کی گئی ہے۔

ادارے نے واضح کیا ہے کہ مقررہ تاریخ کے بعد موصول ہونے والی یا نامکمل درخواستوں کو اپ گریڈیشن کے عمل میں شامل نہیں کیا جائے گا۔کمپنی نے تمام متعلقہ ملازمین پر زور دیا ہے کہ وہ تاخیر سے بچتے ہوئے مقررہ مدت کے اندر مطلوبہ ریکارڈ مکمل کریں تاکہ اپ گریڈیشن کا مرحلہ بروقت مکمل کیا جا سکے۔