کولمبو(اسپورٹس ڈیسک)سری لنکا اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا پہلا میچ (کل)بدھ سے دمبولا میں کھیلا جائیگا۔ اس سے قبل پہلا ٹور میچ انگلینڈ کی ٹیم نے 43رنز سے جیتا تھا جبکہ دوسرا ٹور میچ بارش کی نظر ہوگیا۔واضح رہے کہ دونوں ٹیموں کے درمیان دوسرا ون ڈے 13اکتوبر، تیسرا ون ڈے 17اکتوبر، چوتھا ون ڈے 20اکتوبر جبکہ پانچواں اور

آخری ون ڈے 23اکتوبر کو کھیلا جائے گا۔دونوں ٹیموں کے درمیان واحد ٹی ٹونٹی میچ 27اکتوبر کو شیڈول ہے۔ ٹیسٹ سیریز سے قبل انگلش ٹیم 30اکتوبر کو سری لنکن بورڈ پریذیڈنٹ کے خلاف تین روزہ پریکٹس میچ کھیلے گی۔ انگلینڈ اور سری لنکا کے درمیان تین ٹیسٹ میچوں پر مشتمل سیریز کا پہلا میچ 6سے 10نومبر، دوسرا ٹیسٹ 14سے 18نومبر جبکہ تیسرا اور آخری ٹیسٹ 23سے 27نومبر تک کھیلا جائے گا۔

موضوعات:سری لنکا،نگلینڈ،ایک روزہ میچ