لاہور(نیوز ڈیسک)فیصل آباد میں جاری سپر ایٹ ٹی ٹوئنٹی میں مصباح الحق نے بوم بوم بیٹنگ کرتے ہوئے 27 گیندوں پر 67 رنز بنا ڈالے۔ اقبال سٹیڈیم فیصل آباد میں فیصل آباد وولوز اور ملتان ٹائیگرز کا میچ جاری ہے۔ پہلے بیٹنگ کرتےہوئے فیصل آباد وولوز نے مقررہ20 اوورز میں 6 وکٹوں کے نقصان پر 183 رنز بنائے۔ کپتان مصباح الحق 5ویں نمبر پر بیٹنگ کیلئے پہنچے، انہوں نے شاندار کارکردگی دکھائی اور 27 گیندوں پر 67 رنز بنا ڈالے۔ ان کی اننگز میں 5 چوکے اور 5 چھکے شامل تھے۔ وہ ناٹ آﺅٹ واپس گئے۔