فیصل آباد (مانیٹرنگ ڈیسک )وزارتِ مذہبی امور نے حج درخواستوں کی وصولی کی تاریخ 10جولائی سے بڑھا کر 25 جولائی کردی ہے ، ملک بھر کے حج ٹورز آپریٹرز اور حاجی کیمپوں کو اس فیصلے سے آگاہ کردیا گیا ہے۔

حج آرگنائزرز ایسوسی ایشن آف پاکستان کے سابق چیئر مین حافظ شفیق کاشف نے فیصلے کا خیرمقدم کرتے ہوئے کہا کہ سرکاری حج سکیم میں حج سے محروم رہ جانیوالے عازمین کے لیئے سنہری موقع ہے کہ وہ 25جولائی تک اپنی درخواستیں جمع کروادیں انہوں نے کہا کہ پرائیویٹ حج کی بکنگ تاخیر سے شروع ہونے کی وجہ سے حج آرگنائزرز کو کئی مسائل کا سامنا تھا جو کہ حکومت کی طرف سے مناسب وقت ملنے سے ختم ہو جائیں گے۔