اسلام آباد(مانیٹرنگ ڈیسک)25جولائی تک ٹریفک پولیس کو شہریوں کے شناختی کارڈ پر چالان کاٹنے پر پابندی عائد کر دی گئی۔ تفصیلات کے مطابق الیکشن کے پیش نظر لاہور ٹریفک سٹی پولیس کو شہریوں کے 25جولائی تک شناختی کارڈ پر چالان کرنے سے روک دیا گیا ہے۔ سی ٹی او لاہور ملک لیاقت کے مطابق الیکشن تک کوئی بھی ٹریفک وارڈن ٹریفک قوانین کی خلاف ورزی
پر شہری کے شناختی کارڈ پر چالان نہیں کریگا۔ شہریوں کے چالان صرف اور صرف ڈرائیونگ لائسنس اور گاڑی کے کاغذات پر ہی کئے جائیں گے۔ سی ٹی او لاہور کا کہنا ہے کہ شناختی کارڈز پر چالان کرنے سے روکنے کا مقصد شہریوں کو ووٹ کی سہولت فراہم کرنا ہے۔ سی ٹی او کیپٹن (ر)لیاقت علی ملک کا کہنا ہے کہ ہیوی وہیکلز کا سال بھر شناختی کارڈ پر چالان نہیں ہو گا۔
