اسلام آباد(آئی این پی ) پاکستان مسلم لیگ (ن)کے رہنما بیرسٹرظفراللہ نے کہا ہے کہ ہمیں یہی اطلاع ہے کہ نواز شریف پاکستان واپس آئیں گے، انتخابات وقت پر ہونے چاہییں، ازخودنوٹس میں اپیل نہیں ہے،آپ ہی فیصلہ کرتے ہیں کیس چلانیکا اور اس میں آپ ہی جج بن جاتے ہیں،یہ درست نہیں۔میڈیا سے گفتگو کرتے ہوئے بیرسٹرظفراللہ نے کہا دنیا میں 200ملک ہیں 57ممالک میں یہی قانون ہے، دنیا کے کسی ملک میں ایسا نہیں ہوتا ،

اگر ہے تو مجھے بتادیں؟بھارت میں بھی اسی طرح کی کلازہے مگروہ وہاں استعمال نہیں ہوئی۔لیگی رہنما بیرسٹرظفراللہ سے صحافی نے سوال کیا کہ ‘لیگی کارکن نظر نہیں آرہے؟ فیصلے کے حوالے سے کیا توقع ہے؟اس پر لیگی رہنما نے کہا کہ میں فیصلے سے پہلے رائے دینا مناسب نہیں سمجھتا لیکن میری ذاتی رائے ہے کہ یہ کلازایکسپشنل ہے جویہاں استعمال ہوئی۔صحافی نے ایک اور سوال کیا کہ آپ کے خلاف فیصلہ آیا توکیا انتخابات کا بائیکاٹ کرسکتے ہیں؟جس پر لیگی رہنما بیرسٹرظفراللہ نے کہا کہ بالکل نہیں،انتخابات وقت پر ہونے چاہییں۔صحافی کے سوالکیا نواز شریف پاکستان آئیں گے؟اس سوال پر ان کا کہنا تھا کہ ہمیں یہی اطلاع ہے کہ نواز شریف پاکستان واپس آئیں گے۔

موضوعات:بیرسٹرظفراللہ