خانیوال (نیوز ڈیسک) تحریک انصاف کے رہنما جہانگیر ترین نے کہا ہے کہ لاہور میں ایک بارش نے شہباز شریف اور ن لیگ کے ترقیاتی منصوبوں کا پول کھول دیا۔ نواز شریف کی پارٹی سے امیدوار اور کارکن بھاگ رہے ہیں۔تحریک انصاف کے رہنما جہانگیر ترین نے بھیرو وال میں کرنل عابدکھگہ کی رہائش گاہ پر گفتگو کرتے ہوئے کہا کہ لاہورمیں ایک بارش نے شہباز شریف اور ن لیگ کے ترقیاتی منصوبوں
کا پول کھول دیا۔ نواز شریف گرفتاری سے ڈرتا ہے اس لئے لندن جا کر چھپ گیا۔نواز شریف کی پارٹی سے امیدوار اور کارکن بھاگ رہے ہیں، انہوں نے کہا کہ تحریک انصاف پورے ملک میں کامیاب ہوگی، ناراض کارکنان اور رہنماؤں کے گھروں میں جاؤں گا۔جہانگیر ترین نے کہا کہ پارٹی کے مفادمیں ہرجگہ جاؤں گا، شاہ محمودسے کوئی اختلاف نہیں ہے، پارٹیوں میں چھوٹے موٹے اختلافات ہوتے ہیں۔
