اسلام آباد (نیوز ڈیسک) چیئرمین تحریک انصاف عمران خان نے کہا ہے کہ نوازشریف کا فیصلہ جمعہ کو آرہا ہے لہٰذا وہ پاکستان آئیں ،اڈیالہ جیل ان کا انتظار کررہی ہے، نیب کے الیکشن تک سیاستدانوں کو گرفتار نہ کرنے کے فیصلے کی سمجھ نہیں آرہی ، ہم خود اپنے ملک کو بنانا ری پبلک بنا رہے ہیں۔اسلام آباد میں میڈیا سے گفتگو کرتے ہوئے عمران خان نے کہا کہ جمعہ کو نواز شریف کا فیصلہ آرہا ہے اور وہ کہہ رہے ہیں خود آکر فیصلہ سنوں گا،
آپ اخباروں میں یہ فیصلہ پڑھیں گے، ہم آپ کا انتظار کریں گے، نواز شریف پاکستان آئیں کیونکہ اڈیالہ جیل آپ کا انتظار کررہی ہے۔انہوں نے کہا کہ قانون اندھا ہوتا ہے اور سب کیلئے ایک ہوتا ہے، کیا یہ رعایت ایک عام مجرم کو بھی ملتی ہے؟ جہاں کمزور اور طاقتور کیلئے قانون میں فرق ہو وہاں بڑی قومیں برباد ہوتی ہیں۔عمران خان نے نیب کے الیکشن تک سیاستدانوں کو گرفتار نہ کرنے کے فیصلے پر تنقید کرتے ہوئے کہنا تھا کہ نیب کا کہنا بالکل ایسا ہے جیسے دو ٹیمیں میچ کھیل رہی ہیں اور ایک ٹیم میں میچ فکسر پکڑا گیا، اب کہہ رہے ہیں اسے اس لئے میچ سے نہیں نکالو کہ میچ خراب ہوجائیگا، اس کی سمجھ نہیں آرہی، یہ پاگلوں والی بات ہے اور اس میں کوئی قانون نہیں۔انہوں نے کہا کہ ہم خود اپنے ملک کو بنانا ری پبلک بنارہے ہیں، قانون کسی میں امتیاز نہیں کرتا، قانون جب ہوتا ہے جب سب کے لئے ایک ہو، قانو اس لئے نہیں ہوتا کہ طاقتور کو کچھ نہ کیا جائے۔ عمران خان نے کہا ہے کہ نوازشریف کا فیصلہ جمعہ کو آرہا ہے لہٰذا وہ پاکستان آئیں ،اڈیالہ جیل ان کا انتظار کررہی ہے، نیب کے الیکشن تک سیاستدانوں کو گرفتار نہ کرنے کے فیصلے کی سمجھ نہیں آرہی ، ہم خود اپنے ملک کو بنانا ری پبلک بنا رہے ہیں۔اسلام آباد میں میڈیا سے گفتگو کرتے ہوئے عمران خان نے کہا کہ جمعہ کو نواز شریف کا فیصلہ آرہا ہے اور وہ کہہ رہے ہیں خود آکر فیصلہ سنوں گا، آپ اخباروں میں یہ فیصلہ پڑھیں گے، ہم آپ کا انتظار کریں گے
