اسلام آباد (نیوز ڈیسک) مسلم لیگ (ن) کے رہنما ظفر علی شاہ تحریک انصاف میں شامل ہوگئے۔جمعرات کو مسلم لیگ (ن) کے سینئر رہنما اور سابق ڈپٹی سپیکر قومی اسمبلی ظفر علی شاہ نے عمران خان کیساتھ پریس کانفرنس میں پاکستان تحریک انصاف میں شمولیت کا اعلان کیا۔اس موقع پر گفتگو کرتے ہوئے
ظفر علی شاہ نے کہا کہ سیاست کے آخر میں اپنا فرض ادا کرنا چاہتا ہوں، پورا پاکستان عمران خان کے ساتھ چل رہا ہے، ملک کو ان جیسے لیڈر کی ضرورت ہے۔ انہوں نے کہا کہ عمران خان نے پاکستان کے اندرکرپشن کے بڑے بت گرائے ہیں، ان پر کوئی داغ اور دھبہ نہیں ہے، انکی ہر محاذ پرحمایت کریں گے۔
