اسلام آباد(مانیٹرنگ ڈیسک) مؤقر قومی اخبار کی رپورٹ کے مطابق معلوم ہوا ہے کہ احتساب عدالت کے جج محمد بشیر نے مسلم لیگ (ن) کے قائد نوازشریف فیملی کیخلاف نیب کی طرف سے دائر کئے گئے ایون فیلڈ ریفرنس کا فیصلہ لکھنا شروع کردیا ہے۔ فاضل جج کی رخصت کے باعث اہم کیسوں کی سماعت ملتوی
ہوگئی۔ فاضل جج نے منگل کو ریفرنس کی سماعت مکمل ہونے پر فیصلہ محفوظ کرلیا تھا جو جمعہ 6 جولائی کو سنایا جائے گا۔فیصلہ لکھنے کی مصروفیت کی وجہ سے فاضل جج نے بدھ کو چھٹی کی، جسکی وجہ سے احتساب عدالت میں نیب ریفرنسز کی سماعت بغیر کسی کارروائی کے ملتوی کردی گئی۔
