اسلام آباد(مانیٹرنگ ڈیسک)پنجاب کے سابق وزیر اعلیٰ شہبازشریف جنہیں منصب سے ہٹے ہوئے ایک ماہ سے زائد کا عرصہ گزر چکا ہے لیکن ان کے ٹھاٹھ باٹ نہ گئے ،نجی ٹی وی کے مطابق سابق وزیر اعلیٰ پنجاب شہبازشریف نے پتوکی اور اوکاڑہ پر ٹول ٹیکس ادا نہیں کیا اور وہ ٹیکس ادا کئے بغیر ہی ٹول پلازہ سے روانہ ہوگئے۔
ان کے اس عمل پر سوشل میڈیا صارفین نے شدید تنقید کی اور کہا کہ عام عوام کا کیا قصور ہے ؟ایسا نہیں ہونا چاہئے ،شہبازشریف جو اپنے آپ کو خادم اعلیٰ کہتے تھے ان کی حرکت سے ہمیں سخت مایوسی ہوئی ،دوسری جانب اس حوالے سے شہبازشریف اور این ایچ اے کی جانب سے کوئی موقف سامنے نہیں آسکا۔
