بیجنگ(مانیٹرنگ ڈیسک)ایک چینی عدالت نے امریکہ کے سابق فٹ بال کھلاڑی کو چار سال قید کی سزا سنا دی ہے۔ کھلاڑی پر الزام ہے کہ وہ ایک نائٹ کلب میں ایک چینی سے لڑپڑا تھا جس نے اسے چین میں رہتے ہوئے چینی قوانین کا احترام کرنے کے بارے میں کہا تھا،وینڈل براؤن کو ستمبر 2016میں گرفتار کیا گیا تھا اس پر الزام تھا کہ وہ جنوب مغربی چین کی چانگ کینگ میونسپلٹی میں ایک چینی سے لڑ پڑا تھا جس نے اسے چینی قوانین پر عمل درآمد کی ہدایت کی تھی،دریں اثناء چھنگ دو کے۔

امریکی قونصلیٹ نے کہا ہے کہ وہ اس معاملے کا قریب سے جائزہ لیں گے اور وہ چینی بیوروسے ملاقات کرینگے،تاکہ قیدی کے ساتھ چینی قانون کے مطابق سلوک کیا جائے۔گلوبل ٹائمز نے بدھ کے روز اس کی خبر دیتے ہوئے بتایا ہے کہ جب امریکی سابق فٹ بالر نے لڑائی جھگڑا کیا تو نائٹ کلب میں موجود بعض افراد نے اس پر بوتلیں پھنکی تھیں ایک شخص نے الزام لگایا ہے کہ براؤن نے حملہ کر کے اس کی آنکھ زخمی کر دی تھی۔رائٹر کے مطابق امریکی حکام چین کے ساتھ یہ معاملہ اٹھائیں گے۔

موضوعات:چینی عدالت