اسلام آباد (مانیٹرنگ ڈیسک)پنجاب میں قومی اسمبلی کی نشستوں کیلئے 65 امیدوار صرف جیپ کے نشان پر الیکشن لڑ رہے ہیں ،(ن)لیگ چھوڑ کر جانے والوں نے الیکشن 2018 کیلئے خصوصی طور پر اس نشان کے حصول کیلئے درخواست الیکشن کمیشن کو دی تھی ۔سابق وزیر داخلہ چودھری نثار علی خان اور صوبائی وزیر رہنے والے زعیم قادری سمیت (ن)لیگ سے راہیں جدا کرنے والے صرف جیپ کے نشان پر ہی الیکشن لڑ رہے ہیں ،حکام کے مطابق پنجاب

کے صوبےمیں 120 حلقوں میں امیدواروں کی حتمی فہرست بدھ کو الیکشن کمیشن کی ویب سائٹ پر جاری کی گئی ،سابق حکمراں جماعت جس کی قیادت نوازشریف نے کی 102 امیدواروں کو ٹکٹ دیے جبکہ پاکستان تحریک انصاف کے عمران خان نے ان 120 حلقوں میں 100 امیدواروں کو میدان میں اتارا ہے ۔الیکشن کمیشن آف پاکستان نے صوبے میں لاہور ،راجن پور اور رحیم یار خان کے 21 حلقوں کی حتمی فہرست کیسوں کے التوا میں ہونے پر اپ لوڈ نہیں کی گئی ۔

موضوعات:انتخابی نشان جیپ