پنڈداد نخان (نیوز ڈیسک) تحریک انصاف کے ترجمان فواد چوہدری نے بھی وزیراعلیٰ پنجاب بننے کا اعلان کر دیا ہے، پنڈدادن خان میں پریس کانفرنس سے خطاب کرتے ہوئے انہوں نے کہا کہ جہانگیرترین کی نا اہلی کے بعد پنجاب کی وزارتِ اعلیٰ کے لیے میرا نام بھی ہے اور اگر میری پارٹی مجھے وزیراعلیٰ بناتی ہے تو یہ پورے حلقے کے لیے اعزاز ہوگا اور پورے حلقے کی قسمت بدل جائے گی، ایک موقر قومی اخبار کی رپورٹ کے مطابق فواد چوہدری نے کہا کہ حلقہ این اے 67کا الیکشن صرف ون وے ہے

جبکہ پی پی 27کا الیکشن انشاء اللہ بلا مقابلہ ہوجائے گا۔ الیکشن مہم اس وقت عروج پر ہے، تحریک انصاف میں میری جو پوزیشن ہے اس میں مجھے الیکشن لڑنے کی ضرورت ہے۔ عمران خان وزیراعظم بنتے ہیں تو میں بھی ان کے ساتھ ہی ہوں۔ 2013ء میں پنڈداد نخان کے عوام سے وعدہ کیا تھا کہ میرا آپ سے تعلق رہے گا اور میں نے عوام کے ساتھ تعلق رکھا ہے اس موقع پر فواد چوہدری نے کہا کہ میری پارٹی مجھے وزیر اعلیٰ بناتی ہے تو یہ پورے حلقے کے لیے اعزاز ہوگا اور پورے حلقے کی قسمت بدل جائے گی۔