راولپنڈی(آن لائن)راولپنڈی کے علاقے گوجرخان سے پورنوگرافی کے ماسٹر مائنڈ سمیت4رکنی گروہ پکڑا گیا ،ایک نوجوان سے جنسی زیادتی کرکے اسکی ویڈیو بنا کر وائرل کی گئی۔ڈپٹی ڈائریکٹر سائبر کرائم سید شاہد حسن نے پریس کانفرنس کرتے ہوئے بتایا کہ راولپنڈی کے علاقے گوجر خان سے پورنو گرافی کے ماسٹر مائنڈ نوید سمیت 4رکنی گروہ کوگرفتار کیا گیا ہے جس نے ایک نوجوان سے جنسی زیادتی کرکے اسکی ویڈیو بنا کر وائرل کی گئی،
جنسی ویڈیو کی بنا کر متاثرہ نوجوان کو بلیک میل کرکے رقم کا مطالبہ بھی کیا گیا اور اس حوالے سے نشاندہی انٹرپول نے ایف آئی اے کو کی تھی ۔انہوں نے بتایا کہ ملزم نوید درجنوں لڑکوں سے زیادتی کرچکا ہے اور اس کے قبضے سے جنسی زیادتی کی ویڈیوز بھی برآمد کرلی گئی ہیں۔متاثرہ اٹھارہ سالہ نوجوان نے ہانگ کانگ میں سیاسی پناہ کی درخواست دے دی ہے ۔انہوں نے بتایا کہ گروہ کے مزید تین ملزمان کی گرفتاری کیلئے چھاپے مارے جارہے ہیں ،
