کراچی (نیوز ڈیسک) لیاری میں بلاول بھٹو زرداری کی ریلی پر پتھراؤ اورانسداد دہشت گردی کی دفعات کے تحت درج ہونے والے مقدمہ میں ایم کیو ایم کا امیدوار،تحریک لبیک اورکچھی رابطہ کمیٹی کے سرکردہ افراد کوبھی شامل کرلیا گیا۔ بلاول بھٹو کی ریلی پر پتھرا کرنیوالے 13نامزد افراد سمیت 400 نامعلوم افراد کے خلاف کلری تھانے میں درج ہونے والے مقدمہ مقدمے میں انسداد دہشتگردی کی دفعات بھی شامل کی گئی ہیں۔ مقدمے میں پی ایس 107 سے ایم کیو ایم امیدواررفیق ہنگورو اورتحریک لبیک یا رسول اللہ اور
کچھی رابطہ کمیٹی کے لوگوں کو بھی نامزد اورشامل کیا گیا ہے۔لیاری کی مختلف سماجی تنظیموں نے لیاری میں پانی کا مطالبہ کرنے والے مظاہرین پر قائم مقدمات کو فوری طور پر ختم کرنے کا مطالبہ کرتے ہوئے کہاہے کہ احتجاج سب کا حق ہے۔ لیاری کو اپنا گڑھ کہنے والے پیپلز پارٹی کے نبیل گبول نے لیاری کے لوگوں پر دہشت گردی کے مقدمات کر کے لیاری دشمنی کا ثبوت دیا ہے۔ ہم پیپلز پارٹی کے اس اقدام کی مذمت کرتے ہیں۔ اگر پیپلز پارٹی نے لیاری میں کام کیا ہوتا تو بلاول پہ پتھر نہیں پھول برستے۔
