کوئٹہ (نیوز ڈیسک) ضلع آواران کے علاقے میں سکیورٹی فورسز پر شرپسندوں کا حملہ ،چھ اہلکار شہید، دو زخمی ہوگئے ۔سکیورٹی فورسز ذرائع کے مطابق پیر کو آواران کے علاقے مشکے میں سیکورٹی فورسز کی بم ڈسپوزل ٹیم پر شرپسندوں نے قریبی پہاڑوں سے فائرنگ اور راکٹوں سے حملہ کردیا جس کے نتیجے میں چھ اہلکار ہوالدار شبیر،
سپاہی سراج ،سپاہی اللہ نذر،سپاہی بشیر،سپاہی عابد حسین ،سپاہی شیرازشہید جبکہ سپاہی احسن اورسپاہی راشد زخمی ہو گئے ،حملے میں زخمی ہونے والے اہلکاروں اور شہداء کی میتوں کو سی ایم ایچ خضدار منتقل کردیا گیا جبکہ سکیورٹی فورسز نے علاقے کو گھیرے میں لے کر حملہ آوروں کی تلاش شروع کردی مزید کارروائی جاری ہے ۔
