اسلام آباد (نیوز ڈیسک) الیکشن کمیشن نے سیکورٹی کانفرنس سے متعلق تنازعہ حل کرا دیا، معاملہ دو فریقین کے درمیان غلط فہمی کا نتیجہ تھا۔ پیر کو ترجمان الیکشن کمیشن کی جانب سے جاری بیان کے مطابق فریقین کے درمیان مسئلہ حل کرا دیا گیا، معاملہ کے حل کیلئے رجسٹرار لاہور ہائیکورٹ نے چیف الیکشن کمیشن کو خط لکھا تھا، خط میں سیکورٹی کانفرنس میں ڈی آر او اور آر اوز کو بلانے پر شکوہ کیا گیا تھا۔ خط

میں کہا گیا ہے کہ آئین کی رو سے عدلیہ ریاست کے دیگر دونوں ستونوں سے الگ ہے، جوڈیشل افسران بطور ڈسٹرکٹ ریٹرننگ آفیسران اور ریٹرننگ آفیسران الیکشن کمیشن کے ماتحت ہیں۔ واضح رہے کہ عام انتخابات 2018ء کے سلسلہ میں عبدالمجید کیمپ قصور میں سیکورٹی کانفرنس میں ڈی آر او اور آر اوز کو بلایا گیا تھا تاہم اسے انہوں نے توہین آمیز ہدایت نامہ قرار دیتے ہوئے معاملہ الیکشن کمیشن کے نوٹس میں لایا تھا۔