پشاور(نیوز ڈیسک)پشاورکی مقامی عدالت نے رکن اسمبلی فوزیہ بی بی کی جانب سے سینٹ الیکشن میں ووٹ فروخت کرنے کے الزام کے خلاف دائررٹ پر تحریک انصاف کے چیئرمین عمران خان کو نوٹس جاری کردیا۔پشاور کی مقامی عدالت میں تحریک انصاف کی سابق رکن اسمبلی فوزیہ بی بی کی جانب سینیٹ الیکشن میں پیسے
کے الزامات سے متعلق ہرجانے کیس کی سماعت ہوئی،چیئرمین تحریک انصاف عمران خان اور ان کے وکیل عدالت میں پیش نہیں ہوئے جس پر عدالت نے عمران خان کو نوٹس جاری کرتے ہوئے سماعت اکتیس جولائی تک ملتوی کردی۔تحریک انصاف کی سابق رکن فوزیہ بی بی نے عمران خان کے خلاف پچاس کروڑ روپے کا دعوی دائر کیا ہے۔
