لندن (این این آئی) پاکستان مسلم لیگ (ن) کے قائد اور سابق وزیراعظم محمد نواز شریف نے کہا ہے کہ الیکشن میں دھاندلی کے نتائج ملک کیلئے ہمیشہ گھناؤنے نکلے، دنیا سب کچھ دیکھ رہی ہے ، ہمیں اپنا مذاق نہیں بنانا چاہئے ٗ کلثوم نواز ابھی تک ہوش میں نہیں آئیں ٗ ان کی بیماری کی وجہ سے یہاں رہنا پڑ رہا ہے ۔منگل کو یہاں بیگم کلثوم نواز کی عیادت کے بعد میڈیا سے گفتگو کرتے ہوئے نواز شریف نے کہا کہ

کلثوم نواز ابھی تک ہوش میں نہیں آئیں اور مجھے ان کی بیماری کی وجہ سے یہاں رہنا پڑرہا ہے ،گرفتاریوں کے حوالے سے سوال پر انہوں نے کہا کہ دنیا دیکھ رہی ہے ہمیں اپنا مذاق نہیں بنانا چاہئے ۔انہوں نے کہا کہ جب بھی الیکشن میں دھاندلی ہوئی ا س کے نتائج ملک و قوم کے لئے گھناؤنے نکلے ہیں۔اس وقت دنیا ہمیں دیکھ رہی ہے اور جو کچھ ہو رہا ہے وہ وجہ مذاق بنا ہوا ہے ۔ہمیں اپنا مذاق نہیں بنانا چاہئے ۔