اسلام آباد(نیوز ڈیسک ) پاکستان کے سابق ٹیسٹ کرکٹر محسن حسن خان نے کہا ہے کہ میچ جیتنے کیلئے پوری حکمت عملی کے ساتھ میدان میں اترنا ہوتا ہے ، قومی ٹیم کو چوتھے روز اننگز صبح ڈکلیئر کر کے بنگلہ دیش کو بیٹنگ کرانی چاہئے تھی۔ میڈیا سے گفتگو کرتے ہوئے محسن حسن خان کا کہنا تھا کہ کھلاڑیوں کو ڈر رہتا ہے کہ اگلا میچ کھیل سکیں گے یا نہیں، کھلاڑیوں کو ہار کا ڈر ذہن سے نکال کر کھیلنا چاہئے۔ ان کا کہنا تھا کہ ورلڈکپ بھی ہم اپنی غلطیوں کی وجہ سے ہارے، کوئی بھی میچ جیتنے کیلئے پوری حکمت عملی کے ساتھ میدان میں اترا جائے تو کامیابی نصیب ہوتی ہے۔