لاہور ( نیوزڈیسک ) الیکشن ٹریبونل نے این اے 125 میں مبینہ دھاندلی کے خلاف فیصلہ چار 4 مئی تک موخر کر دیا۔ لاہور میں الیکشن ٹریبونل نے کیس کی سماعت شروع کی تو تحریک انصاف کے حامد خان نے عدالت میں موقف اختیار کیا کہ خواجہ سعد رفیق این اے 125 سے دھاندلی کر کے منتخب ہوئے۔ اس حلقے میں بڑی دھاندلی ہوئی ، پولنگ سٹیشنز کے نتائج تک تبدیل کر دئیے گئے۔ جب کہ نادرا اور انکوائری کمیشن کے مطابق دھاندلی ثابت ہو چکی ہے۔ خواجہ سعد رفیق کے وکیل نے عدالت کو بتایا کہ یہ الزامات بے بنیاد اور جھوٹے ہیں۔ نادرا اور انکوائری کمیشن کی رپورٹ میں کہیں نہیں لکھا کہ اس حلقے میں جعلی ووٹ کاسٹ کیے گئے لہذا درخواست خارج کی جائے۔ عدالت نے دلائل سننے کے بعد فیصلے کو محفوظ کر لیا تھا جو کہ ا?ج سنایا جانا تھا لیکن پی پی 155 میں مبینہ دھاندلی کے کیس کی سماعت کی وجہ سے فیصلہ چار مئی تک موخر کر دیا گیا ہے۔ اب چار مئی کو دونوں حلقوں کا فیصلہ سنایا جائے گا ، این اے 125 سے عام انتخابات کے دنگل میں مختلف جماعتوں کے بیس امیدواران میدان میں تھے تاہم عام انتخابات میں این اے 125 سے خواجہ سعد رفیق مسلم لیگ ن کی نشست پر ایک لاکھ تئیس ہزار چورانوے ووٹ حاصل کر کے فاتح رہیتھے جبکہ پاکستان تحریک انصاف کے امیدوار حامد خان تراسی ہزار ایک سو نوے ووٹ لے کر دوسرے نمبر پر رہے تھے جبکہ اسی حلقے سے پیپلز پارٹی کے امیدوار محمد نوید چودھری چار ہزار چھے سو ا?ٹھ لے کر تیسرے نمبر پر رہے تھے۔