اسلام آباد(مانیٹرنگ ڈیسک )عمران خان کے ایس ایم ایس ہمیں دکھا دیں ہم تو لڑکیاں ہیں، نجی یونیورسٹی کی طالبات کا گلالئی سے مطالبہ، نازیبا میسجز حامد میر کو ہی کیوں دکھائے تمام میسجز عوام کو دکھانے چاہئے
تھے، طالب علم بھی پیچھے نہ رہے، ایسا سوال کر ڈالا کہ گلالئی کے چہرے پر ہوائیاں اڑنے لگ گئیں۔ تفصیلات کے مطابق نجی ٹی وی سما نیوز کے پروگرام ’’ہم لوگ‘‘میں نجی یونیورسٹی کے طلبا و طالبات کے سوالوں نے عائشہ گلالئی کو پریشان کر کے رکھ دیا۔ پروگرام کے دوران یونیورسٹی کی طالبات نے عائشہ گلالئی کو کہا کہ آپ وہ میسجز اگر سب کو نہیں دکھا سکتی تو چلو ہم لڑکیا ںہیںہمیں دکھا دیں، اسی دوران ایک طالب علم نے ان سے سوال کیا کہ آپ نے عمران خان کے نا زیبا میسجزحامد میر کو ہی کیوں دکھائے حالانکہ آپ کو تمام میسجز عوام کو دکھانے چاہیے تھے۔ طلبا و طالبات کے سوالوں کا جواب دیتے ہوئے عائشہ گلالئی کا کہنا تھا کہ حامد میر سے میری سلام دعا کافی پہلے سے تھی ، جب انہوں نے وہ میسج دیکھنے کی خواہش کا اظہار کیا تو میں نے انہیں دکھا دئیے۔ بس اس لئے وہ میسجز پبلک نہیں کئے تا کہ پی ٹی آئی کی بد تمیزی کا کلچر جو پھیل رہا ہے میں بھی اس میں شامل نہ ہو جاؤں ۔میں ان میسجز کو لیگل فارم پر لے کر چلوں گی جہاں پر عمران خان کے لئے سزا کا تعین بھی ہو سکے۔
