اسلام آباد(مانیٹرنگ ڈیسک) وفاقی بجٹ 2017.18پیش کر دیاگیاہے ۔وفاقی وزیرخزانہ اسحاق ڈارنے قومی اسمبلی میں بجٹ تقریرکرتے ہوئے اعلان کیاکہ کہ دہشتگردی کے خلاف جنگ میں کئی جوان شہید ہوئے ہیں جن کے لواحقین و پسماندگان کی فلاح کیلئے محکمہ قومی بچت کے ذریعے نئی سکیم متعارف کرائی جا رہی ہے جس کے ذریعے سیکیورٹی اداروں کے پسماندگان کو یقینی منافع دیا جائے گا۔
انہوں نے کہاکہ ملک بھرمیں ساڑھے پانچ لاکھ بیوائوں کے 5لاکھ تک کے قرضے معاف کردیئے گئے ہیں اوروہ قرضے اب حکومت اداکرے گی ۔اسحاق ڈارنے کہاکہ معذورافراد کوبھی معاشرے کاایک فعال حصہ بنانے کےلئے حکومت نے اقدامات اٹھانے کافیصلہ کیاہے کیونکہ یہ افراد بھی ہمارے معاشرے کاحصہ ہیں ۔انہوں نے معذورافراد کا2فیصد کوٹہ سرکاری اداروں کے علاوہ ایس ای سی پی میں لسٹڈکمپنیوں پربھی یہ کوٹہ لاگوکرنے کااعلان کیاجبکہ ان افراد کی پنشن اور بہبود فنڈ بھی قائم کیا جا رہا ہے۔ انہوںنے بیت الما ل کے بجٹ میں 50فیصد اضافے کااعلان کرتے ہوئے اس ادارے کے فنڈز4ارب سے بڑھاکر6ارب روپے کرنے کی تجویزپیش کیاوربجٹ منظورہونے کے بعد یہ فنڈزبیت المال کوجاری کردیئے جائیں گے ۔اسحاق ڈار نے کہا کہ رواں مالی سال میں 700ارب روپے کے زرعی قرضے دیے گئے، اوور سیز پاکستانیوں کی ترسیلات زر میں 40 فیصد اضافہ ہوا اور حکومت کے غیر ترقیاتی اخراجات میں کمی کی گئی جب کہ پاکستان کی ٹیکس وصولیوں میں 81 فیصد اور 4 سال میں ٹیکس محصولات میں 81 فیصد اضافہ ہوا۔ انہوں نے کہا کہ زرمبادلہ کے ذخائر 21ارب ڈالر تک پہنچ چکے ہیں، پاکستان میں فی کس آمدن 1631 ڈالر رہی، پاکستان اسٹاک مارکیٹ میں 97ارب روپے کی سرمایہ کاری ہورہی ہے اور پاکستان کونمایاں اصلاحات کرنیوالے 10 ممالک میں شامل کیا گیا ا۔
