اسلام آباد(مانیٹرنگ ڈیسک)وینا ملک اسد خٹک ، جاناں ملک نعمان جاوید اور نور ولی حامد کے بعد میکال ذوالفقار اور ان کی اہلیہ سارہ بھٹی کے درمیان رشتہ ازدواج اختتام پذیر، دونوں کی شادی 6سال قبل ہوئی تھی ۔دونوں نے کافی عرصہ سے ایک دوسرے سے علیحدگی اختیار کر رکھی تھی جبکہ دونوں اطراف سے اس رشتہ کو بچانے کیلئے کوششیں بھی جاری تھیں جو کامیاب نہ ہو سکیں۔ نجی ٹی وی کے مطابق فیس بک پر
ایکٹو ایک پیج پرپاکستانی ٹیلی وژن ڈراموں کے مشہور اداکار اور ماڈل میکال ذوالفقار کا اپنی اہلیہسے 6 سالہ ازدواجی تعلق ختم کرنے کا اعلان سامنے آیا ہے۔میکال ذوالفقار کے نام سے سماجی رابطوں کی ویب سائٹ فیس بک پر جاری ایک پیغام میں انہوں نے اپنی طلاق کی تصدیق کرتے ہوئے کہا ہے کہ اس سے پہلے کہ ان کے مداح کسی اور ذریعے سے یہ خبر سنیں میں انھیں خود بتانا چاہتا ہوں کہ میرا اپنی اہلیہ کے ساتھ 6 سالہ پرانا رشتہ اختتام کو پہنچ گیا ہے۔
