لاہور(آئی این پی) پاکستان سپر لیگ کے فائنل کا جادو سرچڑھ کر بولنے لگا ‘ لبرٹی مارکیٹ کے پختون تاجروں، ننھے شائقین کا پشتوگانوں پر علاقائی رقص ‘پٹھان تاجر برادری پشاور زلمی کی جیت کیلئے پرعزم ہے۔تفصیلات کے مطابق پاکستان سپرلیگ کے فائنل کا بخارشائقین کرکٹ کو چڑھ گیا، پختون اور تاجر برادری بھی خوشی سے سرشار، لبرٹی مارکیٹ کے پختون تاجر پشاور زلمی کو سپورٹ کر رہے ہیں،
ننھے شائقین نے پشتو گانوں پر ڈانس کرکے سب کے دل جیت لیے لبرٹی مارکیٹ میں کرکٹ کے دیوانوں کا جوش وجذبہ دیدنی رہا شائقین کرکٹ کا کہنا تھا کہ طویل عرصے کے بعد قذافی سٹیڈیم کی رونقیں بحال ہوئی ہیں اس خوشی کو الفاط میں بیان کرنا مشکل ہے شائقین کرکٹ کا کہنا تھا کہ جیت چاہے کسی بھی ٹیم کی ہو، اصل جیت پاکستانی کرکٹ کی ہوگی اور جلد بین الاقوامی کرکٹ کے دروازے بھی پاکستان کیلئے کھلیں گے۔
