اسلام آباد(مانیٹرنگ ڈیسک)پاکستان سپر لیگ کے لاہور قذافی سٹیڈیم میں میچ کیلئے چیئرمین تحریک انصاف عمران خان نے اپنی خواہش کا اظہار کر دیا۔ تفصیلات کے مطابق پاکستان تحریک انصاف کے چیئرمین عمران خان نے پاکستان سپر لیگ کے لاہور قذافی سٹیڈیم میں ہونے والے میچ کیلئے پاکستان کرکٹ بورڈ سے خواہش کا اظہار کرتے ہوئے مطالبہ

کیا ہے کہ سٹیڈیم میں موجود عمران خان انکلوژر میںکرکٹ شائقین کا داخلہ مفت قرار دیا جائے ۔پاکستان تحریک انصاف کے ترجمان فواد چوہدری کے مطابق کپتان کا کہنا ہے کہ بین الاقوامی کرکٹ کی پاکستان میں بحالی کے موقع پر بارہ 12ہزار کا ٹکٹ کرکٹ شائقین کیساتھ زیادتی ہے اس صورتحال میں فائنل میچ سے صرف ملک کی اشرافیہ ہی لطف اندوز ہو سکے گی۔ واضح رہے کہ پاکستان تحریک انصاف کے چیئرمین عمران خان پی ایس ایل فائنل میچ کے لاہور میں انعقاد کی مخالفت کر چکے ہیں اور فائنل میچ دیکھنے کی دعوت کو بھی مسترد کر چکے ہیں ۔