کولمبو(آئی این پی)آئی سی سی ویمن ورلڈ ورلڈ کپ کوالیفائر میں پاکستان ٹیم بھارت کے خلاف اچھی بیٹنگ نہ کر سکی۔ شروع ہی سے ٹیم مشکلات میں گھری رہی۔عائشہ ظفر نے 19 رنز بنائے، بسما معروف 13 رنز بنا سکی۔ باقی نو کھلاڑی ڈبل فیگر میں بھی داخل نہ ہوئیں اور ٹیم 67 رنز پر ڈھیر ہو گئی

جس میں اضافی رنز کی تعداد 24 تھی۔ ایکتا بشٹ نے 5 کھلاڑیوں کو آؤٹ کیا۔جواب میں بھارت نے 68 رنز کا ہدف باآسانی تین وکٹ کے نقصان پر پورا کر لیا۔ پاکستان کی جانب سے سعدیہ یوسف نے دو کھلاڑیوں کو آؤٹ کیا۔ شکست کے باوجود پاکستان کی میگاایونٹ تک رسائی یقینی ہے۔