اسلام آباد(مانیٹرنگ ڈیسک)معروف خوبرو اداکارہ کنگناراناوت نے ایک بار پھر سخاوت کا مظاہرہ کرتے ہوئے مداحوں کو حیران کر دیا۔اداکارہ نے اپنے یوگا کے استاد کو تحفے میں 2 کروڑ کا گھر دے دیا ہے۔ میڈیا رپورٹس کے مطابق بالی ووڈ اداکارہ کنگنا رناوت نے اپنے یوگا کے استاد سوریہ نارائن سنگھ کو محض تحفے کے طور پر ممبئی کے علاقے اندھیری میں

2 کروڑ روپے کا گھر دے دیا ہے۔سوریہ نے اداکارہ کو یوگا کی تربیت دی تھی جب انہوں نے بالی ووڈ میں اپنے کرئیر کا آغاز کیا تھا اور وہ اب بھی یوگا کی تربیت ان ہی سے لیتی ہیں۔سوریہ نارائن کے پاس یوگا کی تربیت کے لیے کوئی خاص جگہ نہیں تھی، اس لیے وہ ساحل سمندر پر لوگوں کو یوگا سکھاتے ہیں۔ کنگنا نے اپنے استاد کو یہ گھر اس لیے بھی دیا ہے

تاکہ انہیں اپنا کام جاری رکھنے کے لیے معقول جگہ مل سکے۔ یاد رہے کہ کنگنا راناوت نے کچھ عرصے قبل اپنی بہن کو ان کی شادی کے موقع پر مہنگا گھر تحفے میں دیا تھا ۔