لاہور(آئی این پی) لاہور ہائیکورٹ نے پیمرا کے تحت ڈی ٹی ایچ لائسنسز کی نیلامی غیرقانونی قرار دیکر کالعدم کر دی اور براڈ کاسٹرز کو بھی لائسنسز کی ڈسٹری بیوشن کا اہل قرار دے دیا۔تفصیلات کے مطابق جسٹس عائشہ اے ملک کی سربراہی میں فل بنچ نے ڈی ٹی ایچ لائسنسز سے متعلق فیصلہ سنایا ہے، فیصلے کے تحت پیمرا کی دفعہ 13 کی ذیلی دفعہ 3 غیرقانونی قرار دیدی گئی ہے، فیصلے میں کہا گیا ہے کہ براڈ کاسٹرز پر ڈسٹری بیوٹرز نہ بننے کی پابندی عائد کرنا پیمرا آرڈیننس اور رولز کی روح سے متصادم ہے، براڈ کاسٹر بھی ڈسٹری بیوٹر بن سکتا ہے، براڈ کاسٹر کے ڈسٹری بیوٹر بننے پر پابندی غیرقانونی ہے فل بنچ کے فیصلے کے بعد پیمرا کے زیر انتظام حالیہ دنوں میں ہونے والی ڈی ٹی ایچ لائسنسز کی نیلامی پر سوالیہ نشان لگ گیا ہے کیونکہ پیمرا ڈی ٹی ایچ کے لائسنسز پہلے ہی نیلام کر چکا ہے درخواستگزاروں کی وکیل عاصمہ جہانگیر ایڈووکیٹ کا کہنا ہے کہ اگر سپریم کورٹ موجودہ فیصلہ برقرار رکھتی ہے تو پیمرا کو ڈی ٹی ایچ لائسنسز کی دوبارہ نیلامی کرنا ہوگی۔

موضوعات:ڈی ٹی ایچ لائسنسز