لاہور( این این آئی)لاہور ہائیکورٹ نے مسلم لیگ (ن) کا احترام کرانے کیلئے دائر درخواست پر مختلف سیاسی رہنماؤں کی تقاریر کاریکارڈ طلب کرتے ہوئے سماعت ملتوی کر دی۔ گزشتہ روز لاہور ہائیکورٹ کے مسٹر جسٹس شمس محمود مرزا نے درخواست کی سماعت کی ۔درخواست گزار نے موقف اپنایا کہ مسلم لیگ (ن) سب سے زیادہ عوامی مینڈیٹ رکھتی ہے جبکہ اپوزیشن جماعتیں حکومت مخالف تقاریر کر کے نفرت پھیلا رہی ہیں۔
اپوزیشن جماعتیں حکومت اور ریاست کے ساتھ وفادار رہنے کی پابندی ہیں۔ درخواست گزار نے استدعا کہ کہ تمام سیاسی جماعتوں کو مسلم لیگ (ن) کی حکومت کے خلاف تقاریر کرنے سے روکا جائے ۔فاضل عدالت نے دوران سماعت قرار دیا کہ پہلے مخالف تقاریرکا ریکارڈ پیش کیا جائے پھر درخواست کے قابل سماعت ہونے کا فیصلہ کرینگے۔ فاضل عدالت نے درخواست گزار کو حکومت مخالف تقاریر کا ریکارڈ پیش کرنے کا حکم دیتے ہوئے سماعت ملتوی کردی ۔
