اسلام آباد(مانیٹرنگ ڈیسک) ایک نجی ٹی وی پروگرام کے مطابق جب جنید جمشید کی اہلیہ (عائشہ) کو ان کی شہادت کی خبر ملی تو ان کی طبیعت بہت خراب ہو گئی۔ جنید جمشید کی اہلیہ ان کی اچانک وفات پر بہت زیادہ صدمے کا شکار ہیں اور وہ بار بار یہ کہتی ہیں کہ اتنا زیادہ محبت کرنے والا انسان ہمیں چھوڑ کر چلا گیا ہے۔ جنید جمشید ہر شخص کے ساتھ بہت محبت سے پیش آتے تھے۔ جب جنید جمشید کے بیٹے کو طیارے کے حادثے کی خبر ملی تو وہ بار بار یہ پوچھتا پھرتا تھا کہ اماں بابا کا کچھ پتہ چلا؟ ان کی کوئی خبر تو نہیں آئی؟