واشنگٹن(آن لائن)امریکہ میں شہری حقوق کی ایک تنظیم نے ریاست کیلی فورنیا کی تین مساجد کو نفرت آمیز خط بھیجے جانے کے بعد اضافی پولیس تعنیات کا مطالبہ کیا ہے۔ان خطوں میں مسلمانوں کو ’نیچ اور گندا‘ کہا گیا ہے اور انہیں امریکہ چھوڑنے کی دھمکی دی گئی ہے۔
نفرت بھرے اس خط میں صدر منتخب ہونے والے ڈونلڈ ٹرمپ کی تعریف بھی کی گئی ہے اور کہا گیا ہے کہ وہ امریکہ کو صاف کر دیں گے۔ اپنی انتخابی مہم کے دوران ڈونلڈ ٹرمپ نے مسلمانوں کے امریکہ میں داخلے پر پابندی لگانے کا مشورہ دیا تھا۔ٹرمپ نے کہا تھا کہ جب تک یہ واضح نہ ہو جائے کہ زیادہ تر مسلمان امریکہ کے خلاف تشدد کی حمایت کیوں کرتے ہیں تب تک مسلمانوں کے امریکہ میں داخلے پر پابندی ہونی چاہیے۔
واضح رہے کہ حالیہ امریکی انتخابات میں ڈونلڈ ٹرمپ کے جیتنے کے بعد مسلمانوں پر تشدد میں اضافہ ہوا ہے جبکہ ڈونلڈ ٹرمپ خود بھی منتخب ہونے سے قبل مسلماونوں کے شدید مخالف رہ چکے ہیں ۔