اسلام آباد(مانیٹرنگ ڈیسک) معروف صحافی رئوف کلاسرانے سماجی رابطے کی ویب سائیٹ ٹوئیٹرپراہم انکشاف کیاہے کہ وفاقی حکومت نے موٹروے اورائرپورٹس کےبعد سرکاری ٹی وی (پی ٹی وی ) اورریڈیوپاکستان کی عمارتوں کوبھی گروی رکھنے کافیصلہ کیاہے ۔تفصیلات کے مطابق معروف صحافی رئوف کلاسرانے سماجی رابطے کی ویب سائیٹ ٹوئیٹرپراہم انکشاف کیاہے کہ وفاقی حکومت نے موٹروے اورائرپورٹس کےبعد سرکاری ٹی وی (پی ٹی وی ) اورریڈیوپاکستان کی عمارتوں کوبھی گروی رکھنے کافیصلہ کیاہے ۔رئوف کلاسراکے مطابق جب ریڈیوپاکستان کی ملک بھرمیں 61عمارتوں کی قیمت کاتخمینہ لگایاگیاتوان کی کل قیمت 720ملین ڈالرلگی جوکہ مارکیٹ سے کئی گناکم ہے ۔انہوں نے بتایاکہ یہ کام وفاقی وزیر اسحا ق ڈارکررہے ہیں جوکہ پہلے موٹروے اورائرپورٹس کوگروی رکھنے کافیصلہ کرچکے ہیں ۔

اقتصادی رابطہ کمیٹی (ای سی سی ) کے ایک اہم اجلاس میں اسلام آباد لاہور موٹروے کا ایک حصہ گروی رکھ کر سکوک بانڈز جاری کی منظوری دے دی ۔ایک نجی ٹی وی کے مطابق وفاقی وزیر خزانہ اسحاق ڈار اپنی اقتصادی ٹیم کے ہمراہ 5 اکتوبر کو امریکہ و دیگر ممالک میں روڈ شو منعقد کر کے یہ بانڈز جاری کرینگے جبکہ غیر ملکی سرمایہ کاروں کو سکوک بانڈز پر قابل عمل ٹرانزیکشن دینے کیلئے ٹیکسز اور ڈیوٹی سے استشنیٰ بھی منظور کر لیا گیا ۔ ذرائع کے مطابق وفاقی حکومت اسلام آباد لاہور موٹروے کا ایک حصہ گروی رکھ کر 75 کروڑ ڈالر سے 1 ارب ڈالر کے سکوک بانڈز جاری کرے گی جبکہ اقتصادی ماہرین نے اس حکومتی فیصلے کوخطرناک قراردیاہے کہ موجودہ اقتصادی حالات میں وفاقی حکومت کوایسے فیصلے کرنے سے گریزکرناچاہیے کیونکہ دنیامیں کئی معیشتیں زوال کاشکارہیں اوراس طرح کے منصوبے دفاعی نوعیت کے حامل ہوتے ہیں اوراقتصادی ترقی میں بھی ایسے منصوبوں کااہم کردارہوتاہے ۔واضح رہے کہ موٹروے دفاعی لحاظ پاکستان کےلئے نہایت اہم ہے ،حالیہ پاک بھارت کشیدگی کے دوران افواج پاکستان نے موٹرو ے پرجنگی مشقیں بھی کیں ۔