ریاض(این این آئی)سعودی عرب میں ہزاروں شہریوں نے ایک پیٹیشن پر دستخط کر دیے ہیں، جس میں گارڈین شپ کے اس متنازعہ نظام کے خاتمے کا مطالبہ کیا گیا ہے، جو مردوں کو خواتین رشتہ داروں کی تعلیم، شادی بیاہ اور سفری اور دیگر معاملات میں حقوق فراہم کرتا ہے۔میڈیارپورٹس کے مطابق پیٹیشن میں مطالبہ کیا گیا ہے کہ عورتوں کو مکمل شہری ہونے کی حیثیت دی جائے۔ اس کے علاوہ یہ مطالبہ بھی کیا گیا ہے کہ عورتوں کے لیے عمر مقرر کی جائے کہ جب انہیں بالغ ہونے کی حیثیت ہو اور وہ اپنے فیصلے خود کر سکیں۔ ایک یونیورسٹی پروفیسر نے نیوز ایجنسی اے ایف پی کو بتایا کہ پیٹیشن پر ساڑھے چودہ ہزار سے زائد نام درج ہیں اور پیر کے روز اسے شاہی عدالت تک پہنچانے کی کوشش کی گئی تاہم یہ کوشش ناکام رہی۔ نتیجتا اب اسے بذریہ ڈاک بھیجا جائے گا۔