اسلام آباد (این این آئی) جرمن کمپنی اور پاکستانی اداروں کے درمیان بلدیہ فیکٹری سانحہ میں جاں بحق لواحقین کو 52کروڑ روپے ہرجانہ دینے کا معاہدہ طے پا گیا ۔نجی ٹی وی کے مطابق معاہدہ جرمن حکومت کی درخواست پر متعلقہ کمپنی سے طے پایا ٗستمبر 2012 کو بلدیہ فیکٹری میں آگ سے259ورکرز جاں بحق ہوئے تھے۔آگ سے تباہ علی انٹرپرائزز کا مال خریدنے والی جرمن کمپنی کک ورثاء کو ہرجانہ ادا کریگی ٗ دسمبر 2012 میں جرمن کمپنی کک نے متاثرین بلدیہ فیکٹری کو 10 کروڑ روپے دئیے تھے۔7 کروڑ روپے پاکستان میں ای او بی آئی اور سیسی بھی ادا کرے گی ۔