ممبئی(نیوزڈیسک) بھارتی  اداکارہ مادھوری ڈکشت اچانک طبعیت کی خرابی کے باعث امریکا روانہ ہو گئیں، جہاں انھیں علاج کیلئے ہسپتال میں داخل کر وا دیا گیا ۔بھارتی میڈیا کے مطابق گزشتہ دنوں سے مادھوری ڈکشت کے کندھے میں شدید درد تھا۔ مادھوری ایک ٹی وی ریلیٹی شو کی شوٹنگ میں مصروف تھیں کہ اچانک ان کے کندھے میں درد شروع ہو گیا۔ انہوں نے علاج کیلئے ممبئی کے ڈاکٹروں کو چیک اپ کرایا لیکن انھیں کوئی افاقہ نہ ہوا۔ تکلیف میں شدت کے باعث انہوں نے امریکا جانے کا فیصلہ کیا۔ اطلاعات کے مطابق انھیں ہسپتال میں داخل کروا دیا گیا ہے جہاں ان کا علاج جاری ہے۔ واضح رہے کہ مادھوری ڈکشت کے خاوند امریکا میں ڈاکٹر ہیں۔ ۔سماجی رابطے کی ویب سائیٹ ٹوئیٹرپرمادھوری ڈکشٹ کی بیماری کاسن پران کے مداحوں میں پریشانی پھیل گئی اورانہوں نے اداکارہ کی صحت یابی کےلئے نیک تمنائوں کااظہارکیاہے ۔