راولاکوٹ (این این آئی) صدر آزاد کشمیر مسعود خان نے کہا ہے کہ کشمیر سوئیزر لینڈ سے زیاد ہ خوبصورت لیکن آزادی کی نعمت سے محروم ہے ، آزادی کشمیر کی رکاوٹ اقوام متحدہ سلامتی کونسل اور بھارت ہی نہیں ہم خود بھی ہیں ،مختلف آوازیں ترک کرنا ہوں گی ،بھارت کو سمجھوتے کی دعوت دینے کے حامی نہیں ،پاکستان نے کشمیریوں کے وکیل کی ذمہ داری ادا کی اب دنیا بھر میں ہم نے آزادی کی تحریک کامیاب کروانے کی حمایت لینا ہو گی۔وہ جمعرات کو یہاںآبائی شہر راولاکوٹ میں استقبالیہ جلسے سے خطاب کر رہے تھے ۔ اس موقع پر انہوں نے کہا کہ ہمارا اصل دشمن بھارت ہے جس نے کامیاب خارجہ پالیسی سے بہت سارے دوست بنا رکھے ہیں اور اہل جمو ں کشمیر کو غلام بنایا ہوا ہے برھان وانی کی شہادت سے تحریک آزادی کو جلا ملی بھارت نے اس شہادت کے بعد ظلم کی انتہا کر کے لوگوں کو شہید کرنے کے ساتھ اُنھیں نظر سے بھی محروم کیا اصل خراج تحسین کے مستحق مقبو ضہ کشمیر کے شہید اور اُن کے ورثہ ہیں حریت قائدین کو یقین دلاتے ہیں کہ اس تحریک کی کامیابی کے لیے اُن کا ہر طرح کا ساتھ دیں گے آزاد کشمیر کا نوجوان ہمت سے کام لے تو نہ صرف مقبوضہ کشمیر کی آزادی کا باعث بنے گا بلکہ اُمت مسلمہ اور پاکستان کی عزت کا با عث ہوگا آزادی کشمیر کی رکاوٹ اقوام متحدہ سلامتی کونسل اور بھارت ہی نہیں خود ہم کشمیری بھی ہیں جن کو اپنی خامیا ں نظر نہیں آتی مختلف آوازیں ترک کرنا ہوں گی بھارت کو سمجھوتے کی دعوت دینے کے حامی نہیں پاکستان نے کشمیریوں کے وکیل کی ذمہ داری ادا کی اب دنیا بھر میں ہم نے آزادی کی تحریک کامیاب کروانے کی حمایت لینا ہو گی مسلہ کشمیر کے حل کے لیے میں نے چھ نکاتی اجنڈا دیا ہے مسعود خان نے کہا کہ بڑا عہدہ جب دانش والے کو ملتا ہے وہ لرز جاتا ہے اور کم عقل خوش ہوتے ہیں اُنہوں نے کہا کہ میاں نواز شریف آزاد کشمیر کی تعمیر و ترقی میں گہری دلچسپی رکھتے ہیں اس کے ثمرات جلد لوگ دیکھیں گے ۔